ഇരിക്കൂർ ഗവ: ഹയർ സെക്കന്ററി സ്കൂളിൽ പുസ്തക പൂരം തുടങ്ങി :- പത്താം ക്ലാസ് പരീക്ഷ കഴിയുന്ന കുട്ടികളുടെ പുസ്തകങ്ങൾ ശേഖരിച്ച് അടുത്ത വർഷം പ്രയോജനപ്പെടുത്തുന്നതിനു വേണ്ടിയുള്ള പദ്ധതിയാണ് പുസ്തക പൂരം . ഓരോ ദിവസവും പരീക്ഷ കഴിയുന്ന മുറക്ക് കുട്ടികൾ പാഠപുസ്തകങ്ങൾ നോട്ട് എന്നിവ പ്രത്യേകം തയ്യാറാക്കിയ ആകർഷകമായ പെട്ടികളിൽ നിക്ഷേപിക്കുന്നു. ഈ പുസ്തകങ്ങൾ വരും വർഷങ്ങളിലെ കുട്ടികൾക്ക് ഉപയോഗിക്കാവുന്ന രീതിയിലാണ് പദ്ധതി വിഭാവനം ചെയ്തിരിക്കുന്നത്. പുസ്തകങ്ങൾ വാങ്ങാൻ സാധിക്കാത്ത സാമ്പത്തിക പിന്നോക്കാവസ്ഥയുള്ള കുട്ടികൾക്ക് ഏറെ ആശ്വാസകരമാണ് പ്രസ്തുത പദ്ധതി. കൂടാതെ പരീക്ഷ കഴിഞ്ഞാൽ വഴി നീളെ പുസ്തകങ്ങൾ കീറി കളയുന്ന പ്രവണത അടുത്ത കാലത്ത് കുട്ടികളിൽ കണ്ടുവരുന്നുണ്ട് .ഇത്തരം തെറ്റായ പ്രവണതകൾ ഇല്ലാതാക്കാനും സഹവിദ്യാർത്ഥികളോടുള്ള കരുണയും കരുതലും വളർത്താനും ഇതിലൂടെ സാധിക്കുന്നു...

GHSS IRIKKUR ഗണിതം കയ്യെഴുത്ത് മാസിക 'അനന്തം '...ശ്രീ. എസ്. കെ ജയദേവൻ സർ (സീനിയർ ലക്ചറർ, ഡയറ്റ് കണ്ണൂർ ) പ്രകാശനം ചെയ്തു.. സ്കൂൾ ഹെഡ്മിസ്ട്രെസ് ശ്രീമതി വി.സി ഷൈലജ ടീച്ചർ ഏറ്റുവാങ്ങി...

GHSS IRIKKUR വായനക്കൂട്ടം, സീഡ് ക്ലബ്‌ സംയുക്തമായി സംഘടിപ്പിച്ച ശില്പശാല

GHSS IRIKKUR, SSK സംയുക്തമായി പെൺകുട്ടികൾക്ക് സംഘടിപ്പിച്ച കരാട്ടെ പരിശീലനം സമാപിച്ചു,കരാട്ടെ പ്രദർശനവും സർട്ടിഫിക്കറ്റ് വിതരണവും നടന്നു.

ചിത്ര പ്രദർശനം സംഘടിപ്പിച്ചു :- ഇരിക്കൂർ ഗവ: ഹയർ സെക്കന്ററി സ്കൂളിൽ 'എന്റെ കേരളം ചിത്ര പ്രദർശനം' സംഘടിപ്പിച്ചു. വിവിധ മീഡിയകളിൽ കുട്ടികൾ വരച്ച അമ്പതിലേറെ ചിത്രങ്ങളാണ് പ്രദർശനത്തിൽ ഉണ്ടായിരുന്നത്. നാഷണൽ ഇൻസ്റ്റിറ്റ്യൂട്ട് ഓഫ് ഡിസൈൻ ഫാക്കൽറ്റിയും ടെലിവിഷൻ അവതാരകനുമായ അഖിൽ രാജ് ഉദ്ഘാടനം ചെയ്തു. ഹെഡ്മിസ്ട്രസ് വി.സി ശൈലജ അധ്യക്ഷതവഹിച്ചു. ഏ.സി റുബീന, ഇ.പി ജയപ്രകാശ്, ടി.സുനിൽകുമാർ , കെ.പി സുനിൽകുമാർ , പി കെ ബിജു , വി.വി സുനേഷ് ,സി.രജിഷ,ആർ സി ശരണ്യ, കെ.കെ ജയചന്ദ്രൻ ,എൻ. നിഷാന്ത്, യു.കെ പ്രിയേഷ് എന്നിവർ സംസാരിച്ചു . കോഡിനേറ്റർ വി.സി.സീമ സ്വാഗതവും ഗീതിക വർമ്മ നന്ദിയും പറഞ്ഞു.

SPC പാസ്സിങ് ഔട്ട് പരേഡ്‌ 2022 മാർച്ച് 08 നു ഇരിക്കൂർ GHSS ൽ SPC പാസ്സിങ് ഔട്ട് പരേഡ് നടന്നു .. ഇരിക്കൂർ ഗവ ,ഹയർ സെക്കന്ററി സ്കൂൾ ,സ്റ്റുഡന്റ് പോലീസ് കേഡറ്റ് പാസ്സിങ് ഔട്ട് പരേഡ് സംഘടിപ്പിച്ചു, 44 കേഡറ്റുകളാണ് പരിശീലനം പൂർത്തിയാക്കിയത് . സജീവ് ജോസഫ് MLA അഭിവാദ്യം സ്വീകരിച്ചു .